દિલ્હી પોલીસે રામ મંદિર વિશે વાંધાજનક ટિપ્પણી કરવા બદલ મણિશંકર ઐયરની પુત્રી વિરુદ્ધ FIR નોંધી

દિલ્હી પોલીસે કોંગ્રેસ નેતા મણિશંકર ઐયરની પુત્રી સુરન્યા અય્યર વિરુદ્ધ સોશિયલ મીડિયા પર ‘વાંધાજનક નિવેદનો’ પોસ્ટ કરવા બદલ કેસ નોંધ્યો છે. આ કેસ સુપ્રીમ કોર્ટના વકીલ અને બીજેપી નેતા અજય અગ્રવાલની ફરિયાદ પર નોંધવામાં આવ્યો છે. અજય અગ્રવાલે આરોપ લગાવ્યો હતો કે સુરન્યા અય્યરે 20 જાન્યુઆરી, 2024 અને અન્ય તારીખે વિવિધ સોશિયલ મીડિયા પ્લેટફોર્મ પર વાંધાજનક ટિપ્પણી કરી હતી. તેણે 20 જાન્યુઆરીએ પોસ્ટ કરેલી વીડિયો ક્લિપની લિંક પણ પોલીસને આપી છે.

અજય અગ્રવાલે શનિવારે દિલ્હી પોલીસના સાયબર ક્રાઈમ સેલને કરેલી ફરિયાદમાં કહ્યું હતું કે, “સુરન્યા અય્યરે 20 જાન્યુઆરી, 2024 અને અન્ય તારીખોએ ફેસબુક, યુટ્યુબ અને અન્ય સોશિયલ મીડિયા પ્લેટફોર્મ પર વાંધાજનક નિવેદનો પોસ્ટ કર્યા હતા. તેણે કેટલાક તથ્યોનો ઉલ્લેખ કર્યો હતો. પોલીસને વીડિયો બતાવતી વખતે સુરન્યા અય્યર વિરુદ્ધ કેસ નોંધવાની વિનંતી કરવામાં આવી હતી.

RWAએ સોસાયટી છોડવાની સલાહ આપી હતી

બીજી તરફ, આ મામલે દિલ્હીના જંગપુરા એક્સ્ટેંશનના રેસિડેન્ટ્સ વેલ્ફેર એસોસિએશન (RWA) એ બુધવારે (31 જાન્યુઆરી) સુરન્યા અય્યરને તેની પોસ્ટના કારણે સોસાયટી છોડવા કહ્યું હતું.

RWA દ્વારા જારી કરવામાં આવેલી નોટિસમાં કહેવામાં આવ્યું છે કે, “સુરન્યા ઐય્યર, તમારા જેવા નિવાસી તરફથી શાંતિપૂર્ણ વિસ્તારમાં 3 દિવસના ઉપવાસની જાહેરાત કરવી એ દ્વેષપૂર્ણ ભાષણ અને કાર્યવાહી છે. જો તમે રામ મંદિરના પવિત્રીકરણથી નાખુશ છો, તો તમે કોર્ટમાં જઈને નિર્ણયને પડકારી શકો છો, પરંતુ ફરીથી એવી પ્રવૃત્તિઓમાં સામેલ ન થાઓ કે જે વસાહતની આસપાસ તણાવ અને નફરત પેદા કરે. જો તમને હજુ પણ લાગે છે કે તમે જે કર્યું તે યોગ્ય હતું તો અમે તમને કૃપા કરીને બીજી વસાહતમાં જવાનું સૂચન કરીશું.”

Leave a Comment

Your email address will not be published. Required fields are marked *

Scroll to Top