અમેરિકાને ચીનનો પડકાર! પ્રથમ વખત નાગરિકને અવકાશમાં મોકલશે! 2029 સુધીમાં ન્યૂ મૂન મિશન પણ શરૂ થશે!

ચીન હવે તેના તિઆંગોંગ સ્પેસ સ્ટેશન પર એક નાગરિક મોકલવા જઈ રહ્યું છે. એટલે કે, કોઈપણ ચીની નાગરિક માટે અવકાશમાં જવાનો આ પ્રથમ પ્રસંગ હશે.

ચીન અવકાશમાં વધુ એક મોટું પગલું ભરવા જઈ રહ્યું છે. દેશે એક નવા સ્પેસ મિશનની જાહેરાત કરી છે જેમાં એક નાગરિકને સ્પેસ સ્ટેશન પર મોકલવામાં આવશે. એટલે કે આ પહેલું મિશન હશે જેમાં ચીનના નાગરિકને અવકાશમાં મોકલવામાં આવનાર છે. અત્યાર સુધી સ્પેસ મિશન પર ગયેલા અવકાશયાત્રીઓ પીપલ્સ લિબરેશન આર્મી (PLA)ના છે. આ નાગરિક તિઆંગોંગ સ્પેસ સ્ટેશનના ક્રૂ સાથે જોડાશે. આવો જાણીએ ચીનના આ મિશન વિશે.

ચીન અવકાશમાં અમેરિકાને પડકારતું જોવા મળી રહ્યું છે. દેશ હવે તેના તિઆંગોંગ સ્પેસ સ્ટેશન પર નાગરિક મોકલવા જઈ રહ્યો છે. એટલે કે, કોઈપણ ચીની નાગરિક માટે અવકાશમાં જવાનો આ પ્રથમ પ્રસંગ હશે. એનડીટીવી અનુસાર, અત્યાર સુધી અવકાશમાં મોકલવામાં આવેલા મુસાફરો પીપલ્સ લિબરેશન આર્મીના હતા.

દેશની સ્પેસ એજન્સી દ્વારા આ જાણકારી આપવામાં આવી છે. જેમાં કહેવામાં આવ્યું છે કે પસંદ કરાયેલા પેસેન્જર ગુઇ હાઈચાઓ પેલોડ એક્સપર્ટ છે અને બેઈજિંગ યુનિવર્સિટી ઓફ એરોનોટિક્સ એન્ડ એસ્ટ્રોનોટિક્સમાં પ્રોફેસર પણ છે. તેમની સાથે મિશન કમાન્ડર જિંગ હાઈપેંગ અને ત્રીજા ક્રૂ મેમ્બર ઝુ યાંગઝુ પણ હશે.

આ મિશન માટેની ઉડાન ઉત્તર પશ્ચિમ ચીનમાં આવેલા જીયુક્વાન સેટેલાઇટ લોન્ચ સેન્ટરથી હાથ ધરવામાં આવશે. જેના માટે આવતીકાલે એટલે કે મંગળવારે સવારે 9.31 કલાકનો સમય નક્કી કરવામાં આવ્યો છે. ચીન વિશ્વની બીજી સૌથી મોટી અર્થવ્યવસ્થા હોવાનું કહેવાય છે. છેલ્લા કેટલાક વર્ષોમાં, દેશે તેના સ્પેસ પ્રોગ્રામમાં અબજો ડોલરનું રોકાણ કર્યું છે. દેશનો ઉદ્દેશ્ય માણસને ચંદ્ર પર મોકલવાનો છે. અવકાશમાં ઘણી સિદ્ધિ મેળવનાર અમેરિકા અને રશિયાની બરાબરી કરીને દેશ તેમનાથી આગળ વધવાનો પૂરો પ્રયાસ કરી રહ્યો છે.

Leave a Comment

Your email address will not be published. Required fields are marked *

Scroll to Top